‘t Is al veul jaor ‘tzêlfde leejke. Dan trekt Junt er op dien dâg op oêt um boven op die collectebus van de Buulder Buk de meensen langs de kânt op te juunen um ‘n duit in ‘t zaekske te doeën. En dae duut Junt neet vur hur eigen!
Gen deenken aon. Junt duut dae vur de jeugd van Craonendoonck die veul uren doorbringt in schuurkes en garazjes, of in de gröte bouwhal, die ze dao neergezet hêmmen bie ‘t Sportpark in Buul.
De cênten die de Buulder Buk dan op haolen komen ten goede aen de priêzenpot vur dees deelnemers. Tja, en Sjang blieft thoês, want óch dit jaor get Sjang neet mej nao d’n optocht. Dae mâg hij neet van Junt. Hij zou kâw kunnen vatten en wie zit er dan mej? Junt!
Junt wet neet daeter op de Maerret mej dien optocht ‘n verwaermde tribuun stet wo Sjang op zien gemâk d’n optocht aen zich vurbie kan laoten trekken. Zêlfs vur ‘n borreltje kan gezörgd wèren. En as Sjang, mej al die borreltjes op, zich effe ‘trug moet trekken’ dan kan dae, want dao is unne toiletwâgen. Maer ja, dae wet Junt allemaol neet en Sjang kán dae neet wieëten. Daorum zien er dit jaor 400 plaetsen op de tribuun beschikbaar en gen 399!
Kartjes bestellen
‘t Is wel slim um de kartjes te bestellen! ‘t Schient dae ge dae mej de computer moet doeën. En as ge dae zêlf neet kunt, dan vrogde toch ieën van de kinder of de kleinkinder! Die duun dae mej veul plezeer vur ooch! Stuurt ze maer nao de website www.buulderbuk.nl/tribune of stuurt unne email nao [email protected].
‘n Plaets op de tribuun kôst € 5,00 per zitplaets. Óch dees opbrengsten wèren in zien gehieël besteejd aen de deelnemers van d’n optocht. En as Junt op die collectebus langs kumt is ‘t wel fijn as er iets in ‘t zakje get van de mannen en vrouwen van de Raod van Elf. En ‘t lifst wel gewoon Hollandse, Belze of ânder euromeunten. Brifkes mâg neturluk óch. Stelt Junt neet teleur, want ze wil heur recòr van ’t veurig jaor verbèteren, maer dao moeje gillie wel aon mej helpen! En dan nog wa, zeei Junt: “Knuûëp van carnavalspakken hoefde neet in die muts te doeën, want de knuûëp die Herman Govers bie de collecte vindt passen toch neet bie de kostuums. En toch, elk jaor vindt hij nog knuûep en knöpkes in die muts.
‘t Is ongepermeteerd!
Het laatste nieuws uit Cranendonck ontvangen? Meld je aan voor de NIEUWSBRIEF